Եղանակային անակնկալ Ավստրալիայում․ ամռանից մեկ շաբաթ առաջ ձյուն է տեղացել
Եղանակը ավստրալացիներին երես չի տալիս․ չնայած այն բանին, որ այդ մայրցամաքում մինչև ամռան գալը մնացել է մեկ շաբաթ, առատ ձյուն է տեղացել այնտեղ։
ABC հեռուստաընկերությունը հաղորդում է, որ Նոր Հարավային Ուելս և Վիկտորիա նահանգների լեռնային շրջաններն ամբողջովին ձյունածածկ են: Այստեղ որոշ տեղերում ձյան շերտը հասնում է 10 սանտիմետրի:
Բացի դրանից, ուժեղ քամիների պատճառով հարավային նահանգների 40 հազար բնակիչներ, հիմնականում Վիկտորիա և Քուինսլենդ նահանգներում, մնացել են առանց էլեկտրաէներգիայի, իսկ Թասմանիայում տեղումների պատճառով իշխանությունները նախազգուշացրել են ջրհեղեղի մասին: