Իսպանիայի ծովափերից մեկում ատլանտներին պատկանող կառույց է հայտնաբերվել
Նախկինում մասնագետները համարել են, որ հնագույն կառույցները պատկանում են հռոմեացիներին կամ հույներին, բայց հիմա նրանք այդքան էլ վստահ չեն իրենց պնդումներում։ Գիտնականների կարծիքով՝ փլատակների պատմությունը կարող է վերաբերել շատ ավելի վաղ շրջանին՝ գրում է life.ru-ն։
Ատլանտիդայի մասին առաջին անգամ մարդկությանը տեղեկացրել է Պլատոնը մոտ 2․5 հազար տարի առաջ։ Պլատոնը, օրինակ, նկարագրել է վեր խոյացած պատերով նավահանգիստ, բարձր սյուներով և Պոսեյդոնի անհավանական գեղեցիկ տաճարով։
Համաձայն լեգենդի՝ քաղաքն ավիրվել է հրաբուխի ժայթքման հետևանքով։
Իսպանիայի Քադիս քաղաքի հյուսիսում գտնված փլատակները գրեթե բոլոր չափումներով համապատասխանում են Պլատոնի տված նկարագրությանը և կարող են փոխել գիտնականների պատկերացումները հին քաղաքակրթությունների մասին։