Խաչատուրովը չի նստելու
«Վաղարշակ Հարությունյանն ամենալավ թեկնածուն էր, բայց նա չընտրվեց: Շատ եմ ցավում: Ո՞վ էր մեղավոր…»,-«Տեսակետ» մամուլի ակումբում այսօր լրագրողների հետ հանդիպմանն անդրադառնալով Աստանայում երեկ կայացած ՀԱՊԿ գագաթաժողովին, ասաց ԱԱԾ պետի նախկին տեղակալ, գրող, հրապարակախոս Գուրգեն Եղիազարյանը:
Հիշեցնենք, որ ՀԱՊԿ ղեկավարությունը ՀՀ թեկնածուի շուրջ համաձայնության չի եկել, ուստի հարցը հաջորդիվ կքննարկվի դեկտեմբերին, իսկ նախկին գլխավոր քարտուղար Յուրի Խաչատուրովի լիազորություններն արդեն դադարեցված են:
Իսկ թե ինչու ՀԱՊԿ անդամների ղեկավարները համաձայնության չեն եկել Վաղարշակ Հարությունյանի թեկնածության շուրջ, Գուրգեն Եղիազարյանը հիշեց Խաչատուրովի հանդեպ իրավական գործընթացը: «Մի բան անելուց պետք է մտածեին: «Դուխով» անում են ու չեն մտածում: Խաչատուրովի դեմ քրեական գործ են հարուցում, կալանավորում: Նրան ՀԱՊԿ-ից հետ կանչեիք, նոր հարուցեիք, եթե անպայման հարուցելու էիք: Բայց Խաչատուրովը չի նստելու: Այդ քրեական գործն էլ է մյուսների բախտին արժանանալու»,-համոզմունք հայտնեց Գուրգեն Եղիազարյանը:
Իսկ թե ինչու Յուրի Խաչատուրովը «չի նստելու», նա այսպես հիմնավորեց. «Իշխանությունների համար գլխավորը քրեական գործ հարուցելն է, մարդուն խայտառակ անելը, անունը հանելը, հետո՝ բաց թողելը: Պատկերացնո՞ւմ եք՝ ՆԱՏՕ-ի երկրները վերջին պահին իմանան, որ գլխավոր քարտուղարի հանդեպ քրեական գործ է հարուցվել»: Հիշեցնենք, որ ՀՀ պաշտպանության նախկին փոխնախարար, Երեւանի կայազորի նախկին պետ Յուրի Խաչատուրովին մեղադրանք է առաջադրվել Մարտի մեկի քրեական գործի շրջանակում՝ ՀՀ սահմանադրական կարգը տապալելու համար:
Սերժ Սարգսյանը պատասխանել է հարցին՝ կմասնակցի՞ առաջիկա ընտրություններին
Լուկաշենկոն խոսել է նախագահի պաշտոնից հեռանալու մասին
ՆԱՏՕ-ն հայտարարել է, որ երկարատև պատերազմի համար դաշինքը բավականաչափ դիմացկուն չէ
Հոգեբուժական փորձաքննությունը հաստատել է, որ Լարիսա Դոլինան վաճառել է բնակարանը հոգեկան անառողջ վիճա...
Աբովյանի 37-ամյա բնակչուհին կեղծ թղթադրամներ էր իրացրել մի շարք բնակավայրերում. նա ձերբակալվել է
Գերագույն հոգևոր խորհրդի ժողով՝ Մայր Աթոռ Սուրբ Էջմիածնում
Մասնագետները որոշել են այն տարիքը, որից մարդիկ պետք է դադարեցնեն մեքենա վարելը
Նախատոնական օրերին Պարեկային ծառայությունը շուրջօրյա վերահսկողություն է իրականացնում խոշոր առևտրի կե...
Ղարաբաղի ժողովուրդը ոչինչ չի շահի Ղարաբաղ վերադառնալուց․ Նիկոլ Փաշինյան
Մարդկանց մի մասը գոռում է Վեհափառ, մի մասը՝ հեռացիր (տեսանյութ)