Մոնակոյում կալանավորվել է ռուս միլիարդատեր Դմիտրի Ռիբոլովլեւը
Ռուս միլիարդատեր, «Մոնակո» ֆուտբոլային ակումբի նախագահ Դմիտրի Ռիբոլովլեւը ազատազրկվել է Մոնակոյի դատախազության խնդրանքով՝ տեղեկացնում է Le Monde-ը։ Մոնտե Կարլոյում Ռիբոլովլեւի առանձնատանը՝ La BelleEpoque համալիրում խուզարկություն է կատարվել։
Լրատվամիջոցը հստակեցնում է, որ միլիարդատիրոջ դեմ հետաքննությունը կատարվում է մի շարք մեղադրանքների, այդ թվում՝ «կոռուպցիայի, ազդեցության վաճառքի» համար։
Le Monde-ը հիշեցնում է, որ հետաքննության շրջանակներում 2017թ․ սեպտեմբերին՝ այն բանից հետո, երբ լրատվամիջոցները գրեցին Մոնակոյի արդարադատության նախարար Ֆիլիպ Նարմինոյի եւ Ռիբոլովլեւի մտերիմ հարաբերությունների մասին, Նարմինոյին պաշտոնից հեռացրեցին։
Ռիբոլովլեւը Ռուսաստանի ամենահարուստ մարդկանցից մեկն է։ Forbes-ի տվյալներով՝ նա ազգային վարկանիշում 18-րդ տեղն է զբաղեցնում՝ 6,8 միլիարդ դոլարով։