Ուգանդայի նախագահ․ Իսկական տղամարդու ոտքը խոհանոցում չպետք է լինի
Ուգանդայի նախագահ Յովերի Մուսեւենին գլուխ է գովել, որ ամուսնության օրից (45 տարի) ոտք չի դրել խոհանոց, սակայն «իսկական տղամարդու» մասին նրա պատկերացման հետ բոլորը չէ, որ համաձայն են։
Oxfam-ի միջազգային գործադիր տնօրեն Վինի Բյանիման, ի պատասխան 74-ամյա նախագահի հայտարարության, նշել է, որ «խոհարարությունը կնոջ աշխատանքը չէ, այլ կյանքի հմտություն։ Բոլոր մարդիկ՝ կին թե տղամարդ, պետք է պատրաստել կարողանան»։
«Ժողովրդավարական փոփոխությունների համար» ընդդիմադիր ֆորումից Բեատրիս Ալասոն հայտարարել է․ «Մուսեւենին աշխարհին ցույց տվեց, որ ինքը համարում է, թե կանայք ու տղամարդիկ չեն կարող հավասար իրավունքներ ունենալ»։
Watchdog Uganda նորությունների կայքը պաշտպանել է Մուսեւենիին՝ հիշեցնելով, որ երկրի էթնիկ խմբերից որոշների մոտ անգամ բառ կա, որը տղամարդուն բնութագրում է «որպես խոհանոցում պարաստող տրանսվեստիտի»։