Ռուս գիտնականը դանակահարել է գործընկերոջը, որը շարունակ բացահայտում էր իր կարդացած գրքերի վերջաբանը
Ռուս գիտնականին մեղադրանք է առաջադրվել մահափորձ իրականացնելու համար, երբ վերջինս խոհանոցային դանակով հարվածել է իր գործընկերոջը, որն անդադար բացահայտում էր այն գրքերի վերջաբանը, որոնք ինքը կարդալիս էր լինում:
Ինչպես փոխանցում է Oddity central-ը, խոսքը 55-ամյա Սերգեյ Սավիցկու և 52-ամյա Օլեգ Բելոգուզովի մասին է, որոնք 4 տարի միասին աշխատելիս են եղել Անտարկտիդայի Քինգ Ջորջ կղզու Բելինգշաուզեն ռուսական կայանում:
Միջադեպը տեղի է ունեցել հոկտեմբերի 9-ին: Գիտնականը դանակով հարվածել է իր գործընկերոջ կրծքավանդակին: Ինչպես նշվում է, սա Անտարկտիդայում տեղի ունեցած առաջին մահափորձի դեպքն է:
Եվ այս միջադեպը կարող է պատմության մեջ գրանցվել ինչպես ամենատարօրինակներից մեկը, քանի որ քննիչների տվյալներով՝ կատարվածի հավանական պատճառն այն է, որ գործընկերը մշտապես խափանում էր գիտնականի ընթերցանությունը՝ բացահայտելով գրքի ավարտը:
Ռուսական մամուլի ներկայացմամբ՝ երկուսն էլ բավականին ընթերցասեր են՝ մեկուսի կղզում ժամանակը սպանելով բազմաթիվ գրքերի ընթերցանությամբ:
Բելուգուզովին տեղափոխել են Չիլիի հիվանդանոցներից մեկը, որտեղ բժիշկներին հաջողվել է փրկել նրա կյանքը: Նա այժմ կայուն վիճակում է և վերականգնողական բուժում է ստանում:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Իրանում վերականգնվել է ինտերնետային կապը
Մի շարք հասցեներում լույս չի լինի
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Գարեգին Երկրորդի եղբոր կալանքը 2 ամսով երկարաձգվեց
Իրանը նախազգուշացնում է` կարձագանքեն ինչպես ԱՄՆ ռազմակայանների, այնպես էլ ուղղաթիռային նավերի դեմ
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում