Հատուկ ծառայություններում ձեւափոխություններ են իրականացվելու
Ռուսաստանի նախագահ Վլադիմիր Պուտինն առաջարկել է ռուսական ռազմական հետախուզական ծառայությանը վերադարձնել ՌԴ ԶՈՒ ԳՇ Գլխավոր հետախուզական վարչություն անվանումը։
«Անհասկանալի է, թե ուր է անհետացել «հետախուզական» բառը։ Կարծում եմ` պետք է վերականգնել Գլխավոր հետախուզական վարչություն անվանումը»,- ասել է Պուտինը՝ ռազմական հետախուզության ձեւավորման 100-ամյակին նվիրված հոբելյանական միջոցառման ժամանակ՝ շնորհավորելով ոլորտի վետերաններին։
Պուտինը շեշտել է, որ հետախուզությունը անքակտելի մասն է ռազմական գործի եւ այդպես է եղել միշտ։ РИА Новости-ի հաղորդման համաձայն, Պուտինը նաեւ շեշտել է, որ ինքը, որպես Գերագույն գլխավոր հրամանատար միշտ բարձր է գնահատում հետախուզությունից ստացված տեղեկությունները, անալիտիկ նյութերն ու զեկույցները։