«Ճակատագրի հեգնանք»՝ ամերիկյան ձևով. ԱՄՆ-ում հարբած բեռնակիրը քնով է անցել օդանավում ու հայտնվել Չիկագոյում

Ամերիկյան Piedmont Airlines ավիաընկերության բեռնակիրներից մեկը պատահմամբ հայտնվել է Չիկագոյում, այդ մասին հայտնում է life.ru-ն:

Քանզաս Սիթիից մեկնած օդանավի ուղեբեռների հատվածում հայտնաբերված տղամարդը ոստիկաններին բացատրել է, որ հարբած է եղել, այդ իսկ պատճառով քնով է անցել ճամպրուկները դասավորելիս: Այդկերպ նա Քանզաս Սիթիից հասել է Չիկագո՝ ուղեբեռների հատվածում անցկացնելով 1 ժամ:

Նրան գտել են Չիկագոյի օդանավակայանում օդանավի վայրէջքից հետո: Տղամարդուն մեղադրանքներ չեն առաջադրվել, նրան հետ են ուղարկել Քանզաս Սիթի: