Թրամփը մտադիր է խստացնել ապաստան հայցողներին ներկայացվող պահանջները
Վաշինգթոնի վարչակազմը լրացումներ է պատրաստում ԱՄՆ-ում քաղաքական ապաստան տրամադրելու մասին գործող օրենսդրության մեջ: Նոր կանոնների համաձայն՝ պոտենցիալ փախստականները «պետք է օրինականորեն ներկայանան անցակետ»: Այս մասին հայտարարել է ԱՄՆ նախագահ Դոնալդ Թրամփը՝ խոստանալով համապատասխան հրամանը ստորագրել հաջորդ շաբաթ, փոխանցում է «Ամերիկայի ձայնը»:
Գործող օրենսդրության համաձայն՝ ներգաղթյալները կարող են ապաստան ստանալու հայց ներկայացնել՝ անկախ այն հանգամանքից, թե ինչպես են հայտնվել երկրում: Թրամփը ցանկանում է այս կանոնները փոխել: Պետությունը կքննի միայն այն հայտերը, որոնք կտրվեն պետական սահմանի անցակետերում, ասել է նա:
Թրամփը Կենտրոնական Ամերիկայի երկրներից միգրանտների քարավանին կոչ է արել «հետ գնալ»: Թրամփի խոսքով՝ քարավանի մեջ, որը հիմա ԱՄՆ սահմանից մոտ 1400 կմ հեռավորությամբ է գտնվում, մեծ թվով «երիտասարդ եւ ուժեղ տղամարդիկ» կան, որոնք «օրինական ապաստան հայցողներ չեն»: «Ապաստանը ծրագիր չէ նրանց համար, ովքեր աղքատության մեջ են ապրում…Դա այն մարդկանց պաշտպանելու հատուկ միջոցառում է, որոնք փախչում են պետության մակարդակով հետապնդումներից»,- հավելել է Թրամփը:
ԱՄՆ նախագահն առաջին անգամ սպառնացել է միգրանտների դեմ ուժի կիրառմամբ, որոնք կփորձեն սահմանն ապօրինի հատել: Նա հայտարարել է, որ քարավանի մեջ մտնողները «չարամտորեն եւ դաժանաբար քարեր են նետում»՝ նկատի ունենալով վերջերս մեքսիկացի ոստիկանների հետ բախումը: «Եթե նրանք ցանկանան մեր զինվորականների վրա քարեր նետել, մեր բանակը նրանց հակահարված կտա»,- ասել է Թրամփը:
Պատասխանելով այն հարցին, թե սահման ուղարկվող զինվորականները լիազորվա՞ծ են ներգաղթյալների վրա կրակելու, Թրամփն ասել է. «Հուսով եմ, որ ոչ»: Բայց հետո հավելել է, որ քարեր նետելը զինվորականների կողմից կգնահատվի որպես հրազենի կիրառում:
ABC News-ը հայտնում է, որ հազարավոր զինվորականները, որոնց սահման ուղարկելու մասին ԱՄՆ նախագահը հայտարարել էր այս շաբաթ, հիմնականում կատարելու են լոգիստիկ աջակցության գործառույթ: Նրանց խնդիրների մեջ չի մտնում ուժի կիրառումը: Չնայած Պենտագոնից զգուշացրել են, որ զինվորականներին իրավունք է վերապահվում ինքնապաշտպանության նկատառումներով կրակել:
Այս ուղղությամբ ևս, կարծես, նոր պանդորայի արկղ ենք բացել. Պետրոսյանը՝ ՀԷՑ-ում ստուգումների մասին
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Մի շարք հասցեներում լույս չի լինի
Իրանում վերականգնվել է ինտերնետային կապը
Գարեգին Երկրորդի եղբոր կալանքը 2 ամսով երկարաձգվեց
Քրեական վարույթներով վերականգնվել է շուրջ 29 միլիոն 711 հազար ԱՄՆ դոլարին համարժեք 11 միլիարդ 249 մի...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Արտաշիսյան փողոցի բնակելի շենքի նկուղային հարկում խմելու ջրի խողովակը վնասվել և ջուրը լցվում է նկուղ
Էստոնիան այս տարի պլանավորում է դեսպանություն բացել Երևանում