Չինաստանի եւ Ռուսաստանի շահերը հակասում են իրար. Ջոն Բոլթոն

Ռուսաստանի եւ Չինաստանի շահերն, իհարկե, որոշ համընկնումներ ունեն, սակայն ընդհանուր առմամբ դրանք հակասում են իրար: Այս մասին հայտարարել է ԱՄՆ նախագահի Ազգային անվտանգության հարցերով խորհրդական Ջոն Բոլթոնը: Ելույթ ունենալով «Ալեքսանդր Համլիթոնի ընկերակցություն» ոչ-կառավարական կազմակերպության կազմակերպած միջոցառման ժամանակ, ըստ ՏԱՍՍ-ի փոխանցման, Բոլթոնն ասել է հետեւյալը․

«Նրանք շահերը թեեւ խաչվում են որոշ առումով, սակայն հիմնարար առումով դրանք չեն համընկնում իրար»։ Որպես ապացույց՝ Բոլթոնը ասել է, որ Ռուսաստանը ածխաջրածինների խոշոր արտահանող է, իսկ Չինաստանը՝ ներկրող, Ռուսաստանը առաջատար սպառազինություններ է արտադրում, իսկ Չինաստանը դրանք գնում է։ Սպիտակ տան խորհրդականը համոզված է, որ Պեկինի վերաբերմունքը Մոսկվայի ու Վաշինգտոնի նկատմամբ նույնական է։ Նա նաեւ հիշեցրել է, որ չինացիները գողանում են ամերիկյան մտավոր սեփականությունը։