Համացանցում Հելոուինի կապակցությամբ հրապարակվել է Պուտինի դեմքով դդմի լուսանկարը
Reddit սոցցանցի օգտատերերից մեկը Հելոուինի տոնի կապակցությամբ ցույց է տվել՝ ինչ տեսք ունի «ամենագլխավոր սարսափը»: Նա հրապարակել է դդմի լուսանկար, որի վրա փորագրել են ՌԴ նախագահ Վլադիմիր Պուտինի դեմքը: Այնուհետ դդմի մեջ մոմ են դրել, որը լուսավորել է աչքերի համար բացված անցքերը՝ այդպիսով սարսափեցնող տեսարան ստեղծելով, գրում է lenta.ru-ն:
Համացանցի օգտատերերը դդմին տվել են Վլադիմիր Տիկվին անունը:
«Վոլան դե Մորտ Պուտի՞ն»,- իր տարբերակն է առաջարկել օգտատերերից մեկը՝ ակնարկելով Հարի Փոթերի մասին գրքերից հայտնի գլխավոր չարագործին:
Ոմանք էլ առաջարկել են մի կողմ թողնել քաղաքականությունը և խոստովանել, որ աշխատանքի հեղինակի մոտ «հիանալի քանդակ» է ստացվել: