Չինաստանում գործարան կկառուցեն, որտեղ ռոբոտները՝ ռոբոտներ են պատրաստելու
Շվեյցարական ABB ընկերությունը չինական Շանհայում ռոբոտներ արտադրող գործարան է կառուցելու։ Այս մասին հաղորդում է ընկերության մամլո–ծառայությունը։
Հայտնի է, որ շինարարության մեջ 150 միլիոն դոլար է ներդրվելու, արտադրական կենտրոնը ամենաժամանակակիցն ու ավտոմատացվածն է լինելու աշխարհում ՝ տվյալ բնագավառում, քանի որ աշխատանքի մեծ մասը ռոբոտներն են իրականացնելու։
Նշվում է, որ Չինաստանը պատահական չի ընտրվել շինարարության համար, քանի որ աշխարհում արտադրված ռոբոտների մեծ մասը Չինաստան են ուղարկվել։ ABB-ն հույս ունի, որ արտադրությունը կմեկնարկի 2020 թվականին։