Թրամփն իր ընտրվելը Ռուսաստանի համար վատագույն իրադարձությունն է անվանել
ԱՄՆ նախագահ Դոնալդ Թրամփը վստահ է, որ այդ պաշտոնում իր ընտրվելը վատագույն իրադարձությունն է Ռուսաստանի համար: Այս մասին նա հայտարարել է Հյուսիսային Կարոլինա նահանգում հանրահավաքի ժամանակ: Միջցառումը հեռարձակել է Fox News հեռուստալիքը:
2016-ի ընտրություններում հաղթանակը «վատագույնն է, ինչ կատարվել է Ռուսաստանի հետ», կարծում է ԱՄՆ նախագահը: Նա նշել է, որ չնայած Մոսկվայի համար իր ոչ այնքան հարմար լինելուն`երկրների միջև անհրաժեշտ է կապեր հաստատել:
«Սակայն Ռուսաստանի, Չինաստանի, և, անկեղծ ասած, Հյուսիսային Կորեայի, Հարավային Կորեայի, ինչպես նաև մյուսների հետ հարաբերություններ հարթելը, լավ, ոչ թե վատ գաղափար է: Մենք կշարունակենք փորձել արդյունքներ գրանցել»,-հավաստել է Թրամփը: