Ալպերում գտնվող հայտնի Երկնագույն լիճը ցամաքել է
Իտալիայի Սոնդրիո նահանգում գտնվող հայտնի Երկնագույն լիճը (Լագո Աձուրրո) անհետացել է ռեկորդային շոգ եղանակի պատճառով, գրում է korrespondent.net-ը:
Իտալական Ալպերում գտնվող լճակի ցամաքելը նկատել է լուսանկարիչ Մարկո Պուգլիզեն, որն այստեղով անցնելիս մի քանի լուսանկար է արել:
«Հնարավոր է՝ ճիշտ կլիներ սկսել մտածել ջուրն անիմաստ չծախսելու մասին», - գրել է լուսանկարիչը Facebook-ի իր էջում՝ ցամաքած լճի լուսանկարին կից կատարած գրառման մեջ:
Ի դեպ, Երկնագույն լիճն առաջին անգամ չէ, որ չորանում է ու անհետանում: 2005 թվականին այն նույնպես ցամաքել էր երաշտի պատճառով: Սակայն արհեստական ճանապարհով վերականգնումից հետո՝ երկու տարի անց, լիճը սկսել է բնական ճանապարհով վերականգնվել:
