Թրամփը պատրաստ է զինվորներ ուղարկել «փախստականների քարավանը» կանգնեցնելու համար
ԱՄՆ նախագահ Դոնալդ Թրամփը հայտարարել է, որ մտադիր է հարավային սահման զինվորականներ ուղարկել, որ կասեցնի ԱՄՆ ուղղվող փախստականների քարավանի հետ կապված «արտակարգ իրավիճակը», փոխանցում է «ՌԻԱ Նովոստի»–ն։
«Սահմանային հսկողության ազգային խորհրդի ղեկավար Բրենդոն Ջադը իրավացի էր, երբ ասում էր, որ դեմոկրատների նախաձեռնությամբ ընդունված օրենքները բարդացնում են սահմանին մարդկանց կանգնեցնելու փորձերը։ Դա պետք է փոխվի։ Ես զինվորականներին կուղարկեմ արտակարգ իրավիճակը կասեցնելու համար։ Նրանք (միգրանտները) կկանգնեցվեն»,–գրել է Թրամփն իր թվիթերյան էջում։
Ավելի վաղ պետքարտուղար Մայք Պոմպեոն հայտարարել է, որ Մեքսիկայի տարածքով Հոնդուրասից եկող անօրինական միգրանտների քարավանը ոչ մի պարագայում չի անցնի ԱՄՆ սահմանը։