Զգոն ամերիկուհու բողոքը երկու դպրոց փրկել է կոտորածից
Հարյուրավոր ամերիկացիներ շնորհակալություն են հայտնել Նյու Ջերսիի բնակչուհի Քոբերլի Բուլին այն բանի համար, որ վերջինս Facebook-ի օգտատերերից մեկի մասին բողոք է ներկայացրել ոստիկանությունը։ Տղան զենքը ձեռքին լուսանկար էր հրապարակել։ Կնոջ ուղղորդմամբ ոստիկանները այցելել են տղային և նրա ավտոմեքենայում հայտնաբերել զենք, զինամթերք և երկու դպրոցի վրա հարձակվելու ծրագիր՝ տեղեկացնում է CBS-ը։
Ամերիկուհու ուշադրությունը գրավել է Դիլան Ջարելի էջը, քանի որ նա վիրավորական մեկնաբանություն էր գրել կնոջ և նրա սևամորթ երեխաների հասցեին։ «Դու և քո երեխաները կապիկներ եք»,- գրել է տղան՝ բազմիցս օգտագործելով «նեգր» վիրավորական բառը։
Ջարելն այժմ գտնվում է կալանքի տակ: Իրավապահները հայտարարել են, որ զգոն կնոջ զանգը կանխել է դպրոցներում ծրագրված կոտորածը: