Շոյգուն հայտնել է ռուսական սահմանների մոտ ՆԱՏՕ-ի ակտիվության «աննախադեպ» մակարդակի մասին
Ռուսաստանի սահմանների մոտ ՆԱՏՕ-ի ռազմական ակտիվությունը հասել է սառը պատերազմի ժամանակներից ի վեր աննախադեպ մակարդակի, դրա համար օգտագործվում է ռուսական սպառնալիքի մասին միֆը: Այդ մասին, ինչպես հայտնում է ՌԻԱ Նովոստի գործակալությունը, հայտարարել է ՌԴ պաշտպանության նախարար Սերգեյ Շոյգուն:
«Դաշինքի քաղաքականությունն ուղղված է արևելյան ճակատում իր ռազմական ներկայության ամրապնդմանը»,- ասել է ՌԴ պաշտպանության նախարարը:
Նա այսօր ավելի վաղ նշել էր, որ Լեհաստանի իշխանությունների պլանները՝ երկրի տարածքում ԱՄՆ բանակի զորամիավորում տեղակայելու վերաբերյալ, ստիպում են Ռուսաստանին պատասխան քայլեր ձեռնարկել:
Շոյգուն ընդգծել է, որ Ռուսաստանը չի ցանկանում ներքաշվել Արևմուտքի հետ ռազմական առճակատման մեջ և ձգտում է անվտանգության ոլորտում համագործակցության: