Ճապոնացիները պլաստմասսայից էլեկտրական մեքենա են ստեղծել
Ճապոնիայում ներկայացրել են աշխարհում առաջին էլեկտրական մեքենան, որի թափքը 90 տոկոսով պատրաստված է պլաստմասսայի տարբեր տեսակներից, հաղորդում է ՌԲԿ-ն՝ հղում անելով NHK-ին:
Հեռուստաալիքի տվյալներով, դրա մշակմամբ զբաղվել են Տոկիոյի համալսարանի գիտնականները արտադրողների հետ համատեղ: Նշվում է, որ տարբեր տեսակի պլաստմասսաների օգտագործման շնորհիվ մեքենան սովորականից 40 տոկոսով ավելի թեթեւ է, ինչը նոր հեռանկարներ է բացում էներգախնայող էլեկտրական մեքենաների արտադրության համար: