Մեյը ՌԴ-ին մեղադրել է միջազգային իրավունքի նորմերը կոպտորեն խախտելու մեջ
Մեծ Բրիտանիայի վարչապետ Թերեզա Մեյը Ռուսաստանին մեղադրել է միջազգային իրավունքի նորմերը կոպտորեն խախտելու մեջ։ Այս մասին նա խոսել է ՄԱԿ ԳԱ նիստում իր ելույթի ժամանակ՝ տեղեկացնում է ՏԱՍՍ-ը։
«Մենք տեսնում ենք՝ ինչ է կատարվում, երբ առողջ հասարակության հիմք հանդիսացող բնական հայրենասիրությունը փոխակերպվում է վախից եւ անորոշությունից օգտվող ագրեսիվ նացիոնալիզմի, որպեսզի նույնականացման քաղաքականությունն առաջ մղի երկրի ներսում եւ գնա ագրեսիվ հակամարտության արտասահմանյան երկրների հետ՝ խախտելով կանոնները եւ անտեսելով ինստիտուտները»,- հայտարարել է Մեյը։
Նա միաժամանակ նշել է, որ այնպիսի երկրները, ինչպիսին Ռուսաստանն է, կոպտորեն խախտում են միջազգային իրավունքը՝ սկսելով ինքնավար տարածքների գրավումից եւ վերջացնելով ռուսական ՀԳՎ-ի գործակալների հանդեպ քիմիական զենքի գործածությամբ՝ Մեծ Բրիտանիայի փողոցներում։