Ինչ եղավ Ուգանդայի հետ, երբ իշխանությունը պատկանում էր «ժողովրդին» (Տեսանյութ)

Ուգանդան ունի Աֆրիկայի ամենամեղմ կլիման, երկիրը հարուստ է ջրով եւ օգտակար հանածոներով, բայց երկրի մոտ 35 միլիոն բնակչության մեկ երրորդը, բառիս բուն իմաստով սոված է:

Ո՞րն է պատճառը: Ամեն ինչ շատ պարզ է, Մեծ Բրիտանիայից անկախանալուց տասը տարի հետո երկրի ղեկավար դարձավ Իդի Ամին Դադան, որը հայտարարեց, թե իշխանությունը պատկանում է ժողովրդին:

Նա հայտարարեց երկիրը «ուգանդացնելու» մասին, կարճ ժամանակում երկրից վտարեց եվրոպացիներին եւ հնդիկներին, ազգայնացրեց նրանց գործարաններն ու խանութները, գրասենյակներն ու գույքը եւ հանձնեց տեղացիներին:

Եւրոպացիներից եւ ասիացիներից ազատվելուց կարճ ժամանակ անց երկիրը հայտնվեց, բառիս բուն իմաստով քարե դարում: Սկսվեց աղքատություն: Իդի Ամինը որոշեց ժողովրդին զբաղեցնել պատերազմներով եւ տարածքային պահանջներ ներկայացրեց Տանզանիային եւ Քենիային, խզեց դիվանագիտական հարաբերությունները Մեծ Բրիտանիայի հետմ, անգամ զորքեր ուղարկեց Եգիպտոս՝ Իսրայելի դեմ կռվելու համար:

Ամեն ինչ վերջացավ նրանով, որ Տանզանիայի բանակը մտավ Ուգանդա, իսկ 1979 թվականին քաղաքացիական պատերազմը պաշտոնանկ արեց Ամինին, որն այս տարիներին ստեղծել էր հակառակորդներին տանջելու տարբեր կառույցներ:

Այս ամենը հանգեցրեց նրան, որ մինչեւ 1986 թվականը երկիրը քայքայվեց ներքին կռիվներով, իսկ 86-ից մինչ օրս  երկիրը ղեկավարում է մեկ այլ բռնապետ նախագահ Մուսեվենին, որը կառավարում է մինչ օրս եւ փորձում է ոտքի կանգնեցնել տնտեսությունը, որը փլուզվեց «երկիրը ժողովրդին» հանձնելուց հետո, բայց առայժմ հաջողությունները շատ քիչ են:

Մանրամասները՝ տեսանյութում: