Համացանցում է հայտնվել Մոլդովայի նախագահին տեղափոխող մեքենայի վթարի տեսանյութը (տեսանյութ)
Համացանցում է հայտնվել Մոլդովայի նախագահ Իգոր Դոդոնի ավտոշարասյան՝ նախօրեին տեղի ունեցած վթարի տեսանյութը։
Ինչպես երևում է հրապարակված տեսանյութում՝ մեքենան բախվել է բեռնատարի և բավականին լուրջ վնասներ կրել։
Ավելի վաղ հայտնի է դարձել, որ Իգոր Դոդոնի մայրը՝ Գալինա Դոդոնը, տուժել է նախօրեի վթարի հետևանքով։
Դոդոնի խոսնակը լրագրողների հետ զրույցում նշել է, որ նախագահ Դոդոնն իրեն լավ է զգում, և բուժօգնության կարիք չի զգացվել։
Լրատվամիջոցները, սակայն, նշել են, որ տուժել է նախագահի մայրը, նրան հիվանդանոց են հասցրել շտապօգնության մեքենայով։ Ըստ նախնական տեղեկությունների՝ կինը որոշակի կոտրվածքներ է ստացել և գտնվում է բժիշկների վերահսկողության տակ։