Իմ լավագույն հանդիպումներից մեկը եղել է Պուտինի հետ. Թրամփ
ԱՄՆ նախագահ Դոնալդ Թրամփը հայտարարել է, որ իր կյանքի լավագույն հանդիպումներից մեկը եղել է ՌԴ նախագահ Վլադիմիր Պուտինի հետ, գրում է РИА Новости-ն:
«Սա շատ հետաքրքիր է: Երբ ես բանակցություններ էի վարում ՀյուսայինԿորեայի հետ, նրանք (Թրամփին քննադատողները-Tert.am) ասում էին. «Նա շատ խիստ է, նա շատ խիստ է»: Իմ լավագույն հանդիպումներից մեկը եղել է Վլադիմիր Պուտինի հետ, և նրանք ասում էին. «Նա շատ բարի էր, նա շատ բարի էր»: Նրանք ուզում էին, որ ես բռնցքամարտի մենամարտի բռնվեի: Մենք հիանալի հանդիպում ենք ունեցել»,- հայտարարել է Թրամփը ուրբաթ՝ Մոնտանա նահանգի Բիլլինգս քաղաքում անցկացված հանրահավաքի ժամանակ:
Հիշեցնենք, որ Պուտինի և Թրամփի դեմառդեմ հանդիպումը տեղի է ունեցել հուլիսի 16-ին՝ ֆինլանդիայի մայրաքաղաք Հելսինկիում: Հելսինկյան հանդիպումը երկու պետությունների ղեկավարների՝ միջազգային համաժողովների շրջանակից դուրս անցկացվող առաջին լիարժեք ձևաչափով հանդիպումն է: