Մակրոնը երեխաներին գանգատվել Է դեմոկրատական երկրում նախագահ աշխատելու դժվարություններից
Ֆրանսիայի նախագահ Էմանուել Մակրոնը երկրի Լավալ քաղաքի Ժյուլ Ռենարի քոլեջ այցելության ժամանակ դպրոցականներին գանգատվել Է իր աշխատանքի դժվարություններից: Այդ մասին հայտնել Է Le Figaro-ն:
Մակրոնը հայտարարել Է, որ ժողովրդավարական երկրում նախագահն արտոնություններ չունի: «Ես կարծում եմ, որ դա, այնուամենայնիվ, պատիվ Է: Լինում են օրեր, երբ դա արտոնություն Է թվում, իսկ լինում Է նաեւ հակառակը: Լինում են թեթեւ օրեր, բայց լինում են նաեւ դժվարին օրեր»,-նշել Է պետության ղեկավարը:
Նա հավելել Է, որ նախագահը մասնագիտություն չԷ: «Նախագահը նա Է, ում ընտրել են, դա մանդատ Է: Այստեղ անհրաժեշտ են հմտություններ, ինչպես եւ ցանկացած մասնագիտության մեջ, բայց չի կարելի ստույգ ասել, որ դա մասնագիտություն Է»,-ամփոփել Է Ֆրանսիայի նախագահը:
Նախագահության վերաբերյալ Մակրոնի դիրքորոշումը շատ չի տարբերվում նրա նախորդների հայացքներից, գրում Է Le Figaro-ն: Ավելի վաղ աշխատանքի դժվարությունների խոսել են Ֆրանսուա Օլանդը եւ Նիկոլա Սարկոզին: