Մոսկվայում հայերը, ադրբեջանցիները, չեչենները եւ վրացիները հարաբերություններ են պարզել
Մոսկվայում հայերը, ադրբեջանցիները, չեչենները եւ վրացիները հարաբերություններ են պարզել։ «Մոսկվա» քաղաքային նորությունների գործակալությունը, վկայակոչելով իր աղբյուրներին, հայտնում է, որ 18 մարդ է ձերբակալվել։
Բացի այդ, դեպքի վայրից առգրավվել է մուրճ, տրավմատիկ ատրճանակի 13 պարկուճ, երկու դանակ եւ արմատուրա։ Պարզվել է, որ նախօրեին երեկոյան վթար է տեղի ունեցել, որը կովկասցիների 2 խմբի բախման է վերածվել։ Դեպքի վայր ժամանած ոստիկանները ձերբակալել են 18 մարդու՝ Ադրբեջանի 8 քաղաքացու, ՀՀ յոթ քաղաքացու, երկու չեչենի եւ Վրաստանի մեկ քաղաքացու։
Ծեծկռտուքից հետո հոսպիտալացվել է 3 երեք մարդ։ Նրանցից մեկը հիվանդանոց է դիմել որովայնի ներթափանցող վերքով, գլխուղեղային փակ վնասվածքով եւ ձեռքի կտրած վերքով, երկրորդը՝ հրազենային վնասվածքով եւ վերջույթների կտրած–ծակած վերքերով, իսկ երրորդը՝ կոտրվածքներով, վնասվածքներով ու գլխուղեղային փակ վնասվածքով։