Թրամփը կարծում Է, որ իրեն իմպիչմենտ հայտարարելը կհանգեցնի տնտեսության փլուզման

ԱՄՆ-ի նախագահ Դոնալդ Թրամփին իմպիչմենտ հայտարարելը ծայրահեղ բացասական հետեւանքներ կունենա տնտեսության համար: Այս պնդումով Սպիտակ տան ղեկավարն ինքը հանդես Է եկել Fox News հեռուստաալիքին տված հարցազրույցում, որը հաղորդվել Է օգոստոսի 23-ին:

«Ես չգիտեմ՝ ինչպես կարելի Է իմպիչմենտ հայտարարել նրան, ով հոյակապ աշխատանք Է կատարել: Եթե երբեւիցե ինձ իմպիչմենտ հայտարարեն, կարծում եմ՝ շուկաները կփլվեն, կարծում եմ, որ բոլորը խիստ կաղքատանան»,-ասել Է նա՝ պատասխանելով հեռուստաալիքի լրագրողուհի Էշլի Իրհարթին, որը Թրամփին հարցրել Էր, թե արդյոք նրան իմպիչմենտ կհայտարարվի, եթե Կոնգրեսի միջանկյալ ընտրություններում տեղերի մեծամասնությունը բաժին հասնի ԱՄՆ-ի Դեմոկրատական կուսակցության ներկայացուցիչներին:

Նոյեմբերի 6-ին ԱՄՆ-ում կկայանան Կոնգրեսի միջանկյալ ընտրություններ, որոնց ընթացքում կվերընտրվեն 100 սենատորներից 35-ը, Ներկայացուցիչների պալատի բոլոր 435 անդամները, ինչպես նաւե 39 նահանգապետ: Առաջիկա ընտրությունները միջանկյալ են անվանում, քանի որ դրանք անցկացվում են երկու նախագահական ընտրությունների միջեւ: Սովորաբար այդ ընտրություններում այն կուսակցությունը, որը հաղթանակ Է տարել երկու տարի առաջ Սպիտակ տան համար պայքարում, տեղեր Է կորցնում Ներկայացուցիչների պալատում:

Ներկայում Ներկայացուցիչների պալատում հանրապետականների եւ դեմոկրատների հարաբերակցությունը 236 Է առ 193, վեց տեղ թափուր Է: Ներկայացուցիչների պալատի նկատմամբ հսկողություն ստանալու համար դեմոկրատներին անհրաժեշտ Է լրացուցիչ նվաճել 25 մանդատ: Սենատում հանրապետականներն ունեն ոչ մեծ գերակշռություն՝ 51 ձայն՝ ընդդեմ դեմոկրատների 47-ի եւ երկու անկախ սենատորների, որոնք սովորաբար դաշինք են կազմում դեմոկրատների հետ, հաղորդել Է ՏԱՍՍ-ը:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման