ԱՄՆ պետդեպարտամենտը նշել է Ռուսաստանի դեմ նոր պատժամիջոցներ սահմանելու նպատակը

ԱՄՆ պետդեպարտամենտի պաշտոնական ներկայացուցիչ Հիզեր Նաուերթը օգոստոսի 9-ին տեղի ունեցած ճեպազրույցի ժամանակ հայտարարել է, որ պատժամիջոցների օգնությամբ ԱՄՆ-ը փորձում է դրդել Ռուսաստանին բարելավել իր պահվածքը: Այս մասին գրում է korrespondent.net-ը:

«Նախագահն ու պետքարտուղար Պոմպեոն խոսում էին այն մասին, որ մենք կցանկանայինք ավելի լավ հարաբերություններ ունենալ ռուսական կառավարության հետ: Մենք հասկանում ենք, որ ունենք բազում հարցեր, որոնք մեզ մոտ փոխադարձ անհանգստություն են առաջացնում: Այն (Ռուսաստանը) մեծ երկիր է, և մենք՝ նույնպես»,- նշել է Նաուերթը:

Նա նաև ընդգծել է, որ պատժամիջոցների սահմանումն այն ուղին է, որով իրենք փորձում ենք դրդել ՌԴ կառավարությանն ավելի լավ պահվածք ցուցաբերել:

Հիշեցնենք, որ ԱՄՆ պետդեպարտամենտն օգոստոսի 8-ին հայտարարել է Ռուսաստանի դեմ Սկրիպալների գործի հետ կապված նոր պատժամիջոցներ սահմանելու որոշման մասին, որոնք ուժի մեջ կմտնեն ընթացիկ տարվա օգոստոսի 22-ից:

 Բացի այդ, Ռուսաստանը պետք է երեք ամսվա ընթացքում ներկայացնի քիմիական զենք չօգտագործելու երաշխիքներ, ինչպես նաև համաձայնվի միջազգային ստուգումների իրականացմանը, այլապես 90 օրից կարող է բախվել պատժամիջոցների երկրորդ փաթեթին:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման