Իրաքը համաձայն չէ Իրանի դեմ ԱՄՆ-ի պատժամիջոցներին
Իրաքը համաձայն չէ Իրանի դեմ ԱՄՆ-ի պատժամիջոցներին, բայց կհետեւի դրանց՝ սեփական շահերը պաշտպանելու համար: Այս մասին հայտարարել է Իրաքի վարչապետ Հայդեր ալ-Աբադին:
«Մենք սկզբունքորեն դեմ ենք պատժամիջոցներին: Շրջափակումն ու պտժամիջոցները ոչնչացնում են հասարակություններն ու թուլացնում ռեժիմները»,- ասել է նա եւ հավելել. «Մենք Իրանի դեմ պատժամիջոցները ռազմավարական սխալ ենք համարում, բայց մենք կհետեւենք դրանք՝ մեր շահերը պաշտպանելու համար»:
Հիշեցնենք, որ նախօրեին ԱՄՆ-ն վերականգնել է Իրանի դեմ սահմանված պատժամիջոցների առաջին փաթեթը, որն ուղղված է ավտոմոբիլային շուկային եւ իրանական տնտեսության մյուս առանցքային ոլորտներին: Երկրորդ փաթեթը՝ ուղղված նավթի եւ էներգակիրների շուկային, կվերականգնվի նոյեմբերի սկզբին: