Ամերիկացի սենատորը ռուսների հետ քննարկել է Վաշինգտոնում բանակցելու հնարավորությունը

ՏԱՍՍ լրատվական գործակալության փոխանցմամբ, ամերիկացի հանրապետական սենատոր Ռենդ Փոլը Մոսկվայում Ռուսաստանի խորհրդարանի վերին պալատում՝ Դաշնության խորհրդում քննարկել է Սենատի և Դաշնության խորհրդի արտաքին հարաբերությունների հանձնաժողովների պատվիրակությունների բանակցությունները մինչև տարեվերջ Վաշինգտոնում անցկացնելու հնարավորությունը: Այդ մասին ասել է Դաշնության խորհրդի նշված հանձնաժողովի նախագահ Կոնստանտին Կոսաչևը:

«Քանի որ պարոն Փոլը Սենատի պատկան հանձնաժողովի անդամ է, մենք քննարկեցինք մեր երկու երկրների համագործակցության հնարավոր տարբերակներից մի քանիսը, բնականաբար, նա պետք է այդ մասին Վաշինգտոնում խոսի իր գործընկերների հետ», - ասել է Կոսաչևը:

Ռուսաստանցի սենատորի փոխանցմամբ, «Փոլը բավական մոտ է նախագահ Թրամփի հետ և երկու սենատորներից մեկն է, ով հավանություն չի տվել Ռուսաստանի նկատմամբ պատժամիջոցները խստացնելու նախաձեռնությանը»:

Սենատի արտաքին գործերի հանձնաժողովի նախագահ հանրապետական Ռոբերթ Քորքերը հայտնել է, որ մտադիր չէ վերընտրվել նոյեմբերին կայանալիք միջանկյալ ընտրություններում:

Նոյեմբերին պետք է ընտրվի Սենատի կազմի մեկ երրորդը և Ներկայացուցիչների տան ամբողջ կազմը:

Նոր Կոնգրեսի աշխատանքը կմեկնարկի 2019 թվականի հունվարից: Այսօրվա դրությամբ Կոնգրեսի երկու պալատները գտնվում են հանրապետականների հսկողության ներքո:

Ուղիղ հեռարձակում

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման