Իսրայելը կրկին հարվածել է Սիրիային

Իսրայելի բանակը հայտարարում է, որ օդուժի հարվածների արդյունքում Սիրիայի տարածքում՝ սահմանից ոչ հեռու 7 ահաբեկիչ է ոչնչացվել: Աղբյուրը հայտնում է, որ տեղում հայտնաբերվել են մահապարտ ահաբեկչի գոտի, պայթուցիկ սարքեր:

Իսրայելի իշխանությունները հայտնում են, որ ուշադրությամբ հետևում են Սիրիայի հետ սահմանին տիրող իրավիճակին: Սիրիական կողմից տվյալ շրջանը հուլիսի վերջից կրկին ամբողջովին անցել է Ասադի կառավարության վերահսկողության տակ: Իսրայելը մտադիր է թույլ չտալ, որպեսզի Գոլանի բարձունքների ապառազմականացված այդ շրջանում իրանական զորքեր տեղակայվեն:

Ռուսաստանի ռազմական գերատեսչությունը այսօր հայտնել է, որ 2012 թվականից հետո առաջին անգամ ՄԱԿ-ի խաղաղապահները Գոլանի բարձունքներում կվերսկսեն իրենց գործունեությունը: Հնարավոր սադրանքները բացառելու նպատակով այդ շրջանում Ռուսաստանի զինված ուժերի ռազմական ոստիկանության 8 դիտորդական կետեր կտեղակայվեն, հայտարարել է ՌԴ պաշտպանության նախարարության բարձրաստիճան ներկայացուցիչ Սերգեյ Ռուդսկոյը:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը