Թրամփը արտակարգ դրություն է հայտարարել Կալիֆոռնիայում

ԱՄՆ նախագահ Դոնալդ Թրամփն արտակարգ դրություն է հայտարարել Կալիֆոռնիայի նահանգում անտառային հրդեհների առնչությամբ: Այդ մասին ասված է Սպիտակ տան հաղորդագրությունում, հայտնում է usnews.com-ը:

«Այսօր նախագահ Դոնալդ Թրամփը արտակարգ դրություն է հայտարարել Կալիֆոռնիա նահանգում և հրահանգել է դաշնային աջակցություն տրամադրել նահանգին 2018 թվականի հուլիսի 23-ից սկսված և մինչև հիմա շարունակվող անտառային հրդեհների պատճառով»,- ասված է հաղորդագրությունում:

Ավելի վաղ հաղորդվել է, որ Շաստա շրջանում բնական հրդեհի հետևանքով ոչնչացել է 500 տուն և 75 շինություն է վնասվել: Այժմ հրդեհի մակերեսը գերազանցում է 19,5 հազար հեկտարը: Հրդեհների հետևանքով զոհվել է երեք հրշեջ, նահանգի երեք շրջաններում արտակարգ դրություն է հայտարարված:

CBS հեռուստաալիքի տվյալներով՝ Շաստա շրջանում մոլեգնող հրդեհի պատճառով տարհանվել է 38 հազար բնակիչ:

Կալիֆոռնիայի հրշեջ ծառայությունների ներկայացուցիչների խոսքերով՝ ավելի քան 10 000 հրշեջ է աշխատում նահանգում մոլեգնող 14 խոշոր հրդեհների տարածումը կանգնեցնելու համար:

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման