Պուտինի՝ Էրդողանին ուղղված կատակից մեկ օր անց ռուսաստանյան տավարի միսը հայտնվել է թուրքական շուկայում
Ռուսաստանից տավարի մսի առաջին խմբաքանակն այսօր հասել է Թուրքիա, այս մասին հաղորդում է ТАСС գործակալությունը՝ հղում անելով ՌԴ փոխվարչապետ Ալեքսեյ Գորդեևի կատարած հայտարարությունը։
Փոխվարչապետը շեշտել է, որ Թուրքիան առանձնահատուկ տեղ է գրավում շուկայում մսային մթերքի սպառման տեսակետից։
«Արդեն հարցումներ ունենք թե՛ Թուրքիայից, թե՛ Մերձավոր Արևելքի երկրներից, մենք հույս ունենք, որ մեր առաջ կբացվի նաև չինական շուկան, հեռանկարներն ունենք», - ասել է Գորդեևը։
Նշենք, որ նախօրեին ՌԴ նախագահ Վլադմիր Պուտինը Թուրքիայի նախագահ Ռեջեփ Թայիփ Էրդողանի հետ հանդիպման ժամանակ կատակել էր, որ սիրով նրա հետ ռեստորան կգնա այն ժամանակ հենց ռուսական տավարի միսը մտնի թուրքական շուկա։