Էստոնիայի շրջանների մեծ մասում ավտոբուսով երթեւեկությունն անվճար կլինի
Էստոնիան դարձել է եվրոպական առաջին երկիրը, որը երկրի գրեթե ամբողջ տարածքում հասարակական տրանսպորտով անվճար երթեւեկություն է սահմանել: Երկրի 15 շրջաններից 11-ի բնակիչները կկարողանան անվճար օգտվել ավտոբուսներից, հուլիսի 26-ին հայտարարել է Էստոնիայի էկոնոմիկայի եւ ենթակառուցվածքների նախարար Կադրի Սիմսոնը:
DW-ի փոխանցմամբ՝ նախարարը նշել է, որ այդպիսով երկրի իշխանությունները ցանկանում են կանխել գյուղական բնակչության հոսքը քաղաքներ եւ ներդրում ունենալ շրջակա միջավայրի պաշտպանության գործում:
Բացի այդ՝ Տալինում հույս ունեն, որ անվճար ավտոբուսները կարող են նվազեցնել թեթեւ մարդատար ավտոմեքենաների օգտագործման հաճախությունը: