Պոմպեո. Հրթիռային փորձադաշտն ապամոնտաժվում է Կիմ Չեն Ընի պարտավորություններին համապատասխան
Լուրերն այն մասին, որ Հյուսիսային Կորեան բալիստիկ հրթիռների շարժիչների մշակման համար օգտագործվող փորձադաշտում սկսել է ապամոնտաժման աշխատանքները, լիովին համապատասխանում են հունիսին նախագահ Թրամփի եւ Հյուսիսային Կորեայի առաջնորդի հանդիպման ժամանակ Կիմ Չեն Ընի ստանձնած պարտավորություններին: Այդ մասին հայտարարել է ԱՄՆ պետքարտուղար Մայք Պոմպեոն, հաղորդում է «Ամերիկայի ձայնը»:
«Մենք ճնշում ենք գործադրում, որպեսզի այդ հին փորձարկվող ստենդի ապամոնտաժման ժամանակ տեսուչները տեղում լինեն՝ պարոն Կիմի պարտավորությանը համապատասխան»,- Ավստրալիայի պաշտպանության նախարարի հետ համատեղ մամուլի ասուլիսին ասել է Պոմպեոն: