Հունաստանում հրդեհների հետևանքով տուժածների թվում ՀՀ քաղաքացիներ, հայեր չկան․ դեսպանատուն

Աթենքի մոտակայքում՝ Արևելյան Ատտիկա նահանգում բռնկված անտառային հրդեհների հետևանքով տուժած հայերի վերաբերյալ տեղեկատվություն ստանալու նպատակով Հայաստանի արտակարգ իրավիճակների նախարարության (ԱԻՆ) Փրկարար ծառայության Ճգնաժամային կառավարման ազգային կենտրոնը կապ է հաստատել Հունաստանում ՀՀ դեսպանատան «թեժ գծի» հետ. դեսպանատնից փոխանցել են, որ բռնկված հրդեհների հետևանքով տուժածների թվում հայեր չկան: Այդ մասին ասված է ԱԻՆ հաղորդագրությունում:

Հունաստանում Հայաստանի դեսպանությունը նաև Ֆեյսբուքում է հաղորդագրություն տարածել, որում ասված է․ - «Նախնական տվյալներով Աթենքի մերձակայքում հրդեհների հետևանքով զոհերի և տուժածների թվում ՀՀ քաղաքացիներ և հայեր չկան: ՀՀ դեսպանությունը մշտական կապի մեջ է տեղի իշխանությունների և հայ համայնքային կառույցների հետ»:

Հունաստանում հրդեհների հետևանքով զոհվածների թիվը, ըստ վերջին տվյալների, հասել է 60-ի, կան հարյուրավոր վիրավորներ:

Այս թեմայով 2700 տարվա տաճար է հայտնաբերվել՝ բազմաթիվ ընծաներով զոհասեղանով Հունաստանում հրդեհների հետևանքով զոհվածների թիվը հասել է 82-ի Հունաստանում զոհերի թիվը հասավ 74-ի Նիկոլ Փաշինյանը ցավակցական հեռագիր է հղել Հունաստանի վարչապետ Ալեքսիս Ցիպրասին Առնվազն 20 զոհ, 100 վիրավոր Աթենքի մերձակայքում հրդեհների հետևանքով