2700 տարվա տաճար է հայտնաբերվել՝ բազմաթիվ ընծաներով զոհասեղանով

Հունաստանում հնագետները հայտնաբերել են 2700 տարվա վաղեմության տաճար, որը պարունակում էր պայտաձեւ զոհասեղան՝ լցված ընծաներով, գրում է Live Science-ը։

Աղյուսից կառուցված 30 մետր երկարությամբ տաճարը գտնվում է Ամարիսիա Արտեմիսի տաճարի կողքին՝ սրբավայր՝ նվիրված հունական աստվածուհի Արտեմիսին, որը հետազոտողները հայտնաբերել են 2017 թվականին Եվիա կղզում, ասվում է Հունաստանի մշակույթի նախարարության հայտարարության մեջ։

«Այս տաճարի առանձնահատկություններից մեկը դրա ներսում հայտնաբերված կառույցների զգալի քանակն է»,- գրել են հետազոտողները։

Այս կառույցները ներառում էին մի քանի օջախներ, որոնք գտնվում էին տաճարի նավում, ներառյալ մոխիրով լցված զոհասեղանը, որի վրա դրված էին ընծաներ՝ խեցեղեն, ծաղկամաններ, կորնթյան ալաբաստր, ոսկյա և արծաթյա զարդեր՝ զարդարված մարջանով և սաթով, թալիսմաններ և բրոնզե և երկաթե կցամասեր։ Զոհասեղանը պարունակում էր նաև մի քանի կտոր ածխացած ոսկոր։

Տաճարի տակ հնագետները հայտնաբերել են մի քանի չոր քարե պատեր մեկ այլ շինությունից, որը ժամանակին կանգնած էր այս վայրում, ինչպես նաև մի քանի բրոնզե արձանիկներ՝ ցլի և խոյի տեսքով: Տաճարի մոտ նրանք հայտնաբերել են նաև մ.թ.ա. ութերորդ և իններորդ դարերի շենքերի մնացորդներ, ինչպես նաև ամրությունների համակարգ, որը թվագրվում է վաղ պղնձի դարաշրջանի ուշ շրջանով, այսինքն՝ մոտավորապես մ.թ.ա. 4000-3500 թթ.։

Այս թեմայով Հունաստանում հրդեհների հետևանքով զոհվածների թիվը հասել է 82-ի Հունաստանում զոհերի թիվը հասավ 74-ի Նիկոլ Փաշինյանը ցավակցական հեռագիր է հղել Հունաստանի վարչապետ Ալեքսիս Ցիպրասին Հունաստանում հրդեհների հետևանքով տուժածների թվում ՀՀ քաղաքացիներ, հայեր չկան․ դեսպանատուն Առնվազն 20 զոհ, 100 վիրավոր Աթենքի մերձակայքում հրդեհների հետևանքով