Ժիրինովսկին «Էրդողանի հրավերով» կմեկնի նրա երդմնակալության արարողությանը
Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին կմեկնի Թուրքիա՝ վերընտրված նախագահ Ռեջեփ Թայիփ Էրդողանի երդմնակալության արարողությանը մասնակցելու համար։ Ինչպես հայտնել է կուսակցության մամուլի ծառայությունը, Ժիրինովսկին Թուրքիա կմեկնի Էրդողանի «անձնական հրավերով»։
Հիշեցնենք, որ Թուրքիայում հունիսի 24-ին կայացած նախագահական ընտրություններում 52,6 տոկոս ձայնով վերընտրված Էրդողանի երդմնակալության արարողությունը կայանալու է երկուշաբթի։
«Ռուսաստանի լիբերալ-դեմոկրատական կուսակցության առաջնորդ Վլադիմիր Ժիրինովսկին հուլիսի 8-ին կմեկնի Անկարա, որպեսզի հուլիսի 9-ին մասնակցի Թուրքիայի նախագահ Ռեջեփ Թայիփ Էրդողանի երդմնակալության արարողությանը»,- հայտնել են կուսակցությունից։