ՆԱՏՕ-ում մտահոգված են Թրամփի ու Պուտինի սպասվող հանդիպմամբ
ՆԱՏՕ-ի պաշտոնատար դեմքերն անհանգստացած են, որ ԱՄՆ նախագահ Դոնալդ Թրամփը կարող է դաշինքի հետ չհամաձայնեցված քայլեր անել Ռուսաստանի Դաշնության նախագահ Վլադիմիր Պուտինի հետ սպասվող հանդիպման ժամանակ։ Այդ մասին հայտարարել է Գերմանիայում իշխող կոալիցիայի՝ տրանսատլանտյան համագործակցության հարցերով համակարգող Պետեր Բայերը, գրում է բրիտանական Reuters գործակալությունը։
Նրա խոսքով՝ ՆԱՏՕ-ի անդամները չեն մասնակցել Հելսինկիում կայանալիք հանդիպման պլանավորմանը։
«Դաշինքում լուրջ մտահոգված են այն առնչությամբ, թե ինչ համաձայնությունների կարող են հասնել Թրամփն ու Պուտինը»,-նշել է գերմանացի պաշտոնյան։
ԱՄՆ և ՌԴ առաջնորդների հանդիպումը կայանալու է հուլիսի 16-ին։
Կրեմլից արդեն հայտնել են, որ երկու նախագահները պատրաստվում են քննարկել մի շարք լուրջ խնդիրներ, այդ թվում՝ սիրիական հակամարտությունը։