Հավայի կղզին հրաբխի ժայթքման հետևանքով մեծացել է 2 ք/կմ-ով
Հավայան կղզիների Մեծ կղզին, որը կոչում են նաև Հավայի, մեծացել է ավելի քան 2 ք/կմ-ով, ինչի պատճառը հրաբխի ժայթքումն է: Այս մասին հայտնել է ԱՄՆ-ի Երկրաբանական ծառայությունը, տեղեկացնում է «РИА Новости»-ն:
«Լցվելով օվկիանոս՝ լավան 555 ակր (2.24 ք/կմ) նոր հող է ստեղծել»,- ասվում է ԱՄՆ-ի Երկրաբանական ծառայության Twitter-ի էջում, որտեղ հրապարակվում են Կիլաուեա հրաբխի մասին վերջին տվյալները:
Նշվում է, որ սա տեղի է ունենում չափից շատ լավայի արտահոսքի հետևանքով:
Հավայի կղզում գտնվող Կիլաուեա հրաբուխը համարվում է Երկրի վրա գործող ամենաակտիվ հրաբուխներից մեկը:
Մայիսի սկզբին հրաբխի ակտիվացումից հետո իշխանությունները բնակչության տարհանում են հայտարարել, ինչից հետո տարհանվել է մոտ 10 հազար մարդ: