ԵՄ-ն Թուրքիային 3 մլրդ եվրո ֆինանսական օգնություն կտրամադրի

Բրյուսելում տեղի ուենցած Եվրամիության գագաթնաժողովի ժամանակ հաստատվել է սիրիացի փախստականներին աջակցելու նպատակով Թուրքիային 3 մլրդ եվրոյի ֆինանսական աջակցություն տրամադրելու նախագիծը։

Ավելի վաղ հայտնի էր դարձել, որ Իտալիան դեմ է Թուրքիային այդ օգնության տրամադրմանը, սակայն հունիսի 29-ին, ի վերջո, Իտալիան ևս տվել է իր համաձայնությունը։

9 ժամ տևած գագաթնաժողի ընթացքում նաև որոշում է կայացվել գաղթականների համատեղ կենտրոններ ստեղծելու և նրանց ազատ տեղարշաժը Եվրամիության տարածքում սահմանափակելու վերաբերյալ։

Գագաթնաժողովի ավարտին համատեղ հայտարարություն է ընդունվել։ ԵՄ անդամ երկրները որոշում են կայացրել՝ դեպի Եվրոպա անօրինական գաղթը դադարեցնելու համար էլ ավելի խստացնել ԵՄ սահմանների վերահսկողությունը։ Այդ նպատակով Թուրքիային, Մարոկկոյին և Հյուսիսային Աֆրիկայի երկրներին այսուհետ ավելի շատ ֆինանսական օգնություն կտրամադրվի։

Այդ համատեքստում առաջիկայում Թուրքիային կտրամադրվի սիրիացի փախստականների հոսքը դեպի Եվրոպա կանխարգելելու դիմաց խոստացված 3 մլրդ եվրո ֆինանսական օգնության փաթեթի երկրորդ մասը։ գումարները Թուրքիայի հաշվին կփոխանցվեն փախստականներին օգնելու նպատակով ծրագրվող նախագծերի կյանքի կոչվելուն զուգահեռ։ Իսկ աֆրիկյան երկրներին նույն նպատակով 500 մլն եվրո կտրամադրվի։

Աղբյուր` Hürriyet

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին