Ջորջ Բուշ-ավագը ցույց է տվել Բիլ Քլինթոնի պատկերով գուլպաները
Միացյալ Նահանգների նախկին նախագահներ հանրապետական Ջորջ Բուշ-ավագն ու դեմոկրատ Բիլ Քլինթոնը, որոնք 1992թ. նախագահական ընտրություններում մրցակիցներ էին, ընկերական ջերմ հանդիպում են ունեցել Բուշ-ավագի՝ Մեն նահանգում գտնվող տանը:
Ինչպես նշում է Daily Mail պարբերականը, ԱՄՆ 41-րդ և 42-րդ նախագահները պատմել են, որ արդեն մոռացել են քաղաքական մրցակցության մասին ու լավ ընկերներ են:
Ի դեպ, Բուշ-ավագը, որը հայտնի Է արտասովոր ու վառ գուլպաների նկատմամբ սիրով, ցույց է տվել ի պատիվ Քլինթոնի կրած գուլպաները: Դրանց վրա երևում է 42-րդ նախագահի դեմքը:
Հայտնի է, որ Ջորջ Բուշ-ավագը Պարկինսոնի հիվանդության պատճառով չի կարողանում ինքնուրույն տեղաշարժվել: