Հռոմի պապն աբորտները համեմատել է նացիստների հանցանքների հետ

Հռոմի պապ Ֆրանցիսկոսը քննադատել է հղիության արհեստական վիժեցումը՝ այն համեմատելով նացիստական Գերմանիայում լայն կիրառություն ունեցող եվգենիկայի (ուսմունք մարդկային ցեղի,նրա ժառանգական հատկանիշներիլավացման մասին։ Եվգենիկայի խնդիրն է ակտիվ ազդել մարդու էվոլյուցիայի վրա, կատարելագործել նրա բնույթը, նպաստել տաղանդի ժառանգմանը և հնարավորին չափ սահմանափակել ժառանգական հիվանդությունների փոխանցումը հետագա սերունդներին) հետ:

«Նախորդ դարում ամբողջ աշխարհը ցնցված էր ռասան մաքրելու նպատակով նացստների արածով: Այսօր մենք անում ենք նույնը՝ միայն թե սպիտակ ձեռնոցներով»,-Իտալիայում կայացած համաժողվի ժամանակ ասել է պոնտիֆիկոսը:

Այսպիսով՝ Կաթոլիկ եկեղեցու առաջնորդը դեմ է արտահայտվել նախածննդաբերական այն թեստերին, որոնք անցնելուց հետո որոշ ծնողներ նախընտրում են ընդհատել հղիությունը՝ չցանկանալով ոչ լիարժեք զարգացած երեխա ունենալ:

 Ինչպես նշում է Reuters-ը, կաթոլիկների հովվապետը կոչ է արել ծնողներին երեխաներին ընդունել այնպիսին, ինչպիսին Աստված է նրանց ուղարկում:

Հավելենք, որ «եվգենիկա» տերմինն առաջարկել է անգլիացի կենսաբան Ֆ․ Հալտոնը (1869թ.)։ Ռասիստները և հետադեմ գիտնականները եվգենիկան օգտագործել են «ոչ լիարժեք ցեղերի և ժողովուրդների» դեմ պայքարելու նպատակով։ Հայտնի է, որ եվգենիկան կիրառելվել է ֆաշիստական Գերմանիայում՝ մարդկանց վրա արգելված գիտափորձեր անցկացնելու, ռասան մաքրելու ու ոչ ցանկալի սոցիալական խմբերից ձերբազատվելու նպատակով: Այժմ այն դիտարկում է որպես նացիզմի հանցագործությունների հիմքերից մեկը:

Այս թեմայով Հռոմի Պապը պաշտպանել է ԱՄՆ-ի և Իրանի միջև խաղաղության համաձայնագիրը Աստված մերժում է «արյունով թաթախված ձեռքեր» ունեցողների աղոթքները․ Հռոմի պապը՝ պատերազմ մղող առաջնորդներին Կայացել է Հռոմի Պապ Լևոն XIV-ի գահակալության արարողությունը Հռոմի Սրբազան Քահանայապետ է ընտրվել ամերիկացի կարդինալ Ռոբերտ Ֆրենսիս Պրևոն Հռոմի պապ Ֆրանցիսկոսը կենդանության օրոք դեմ է արտահայտվել զենք կուտակելուն