Կիմ Չեն Ընը Թրամփին հրավիրել է Փհենյան՝ բանակցությունները շարունակելու համար

Հյուսիսային Կորեայի առաջնորդ Կիմ Չեն Ընը Միացյալ Նահանգների նախագահ Դոնալդ Թրամփին հրավիրել է Փհենյան՝ Սինգապուրում մեկնարկող գագաթնաժողովի երկրորդ փուլն անցկացնելու համար:

Ինչպես նշում է ria.ru-ն, այս մասին գրում է հարավկորեական «Չունան Իլբո» լրատվամիջոցը՝ քաջատեղյակ աղբյուրներին հղումով:

Հայտնի է, որ հրավերը եղել է նամակում, որը Հյուսիսային Կորեայի Աշխատավորական կուսակցության կենտրոնական կոմիտեի փոխնախագահ Կիմ Յոն Չհոլը հունիսի մեկին փոխանցել է Թրամփին:

Աղբյուրը մանրամասնել է, որ Հյուսիսային Կորեան ու Միացյալ Նահանգները պատրաստ են բանակցությունները շարունակել բարձրագույն մակարդակով:

Չի բացառվում, որ Սինգապուրում ու Փհենյանում բանակցային գործընթացի բարեհաջող անցկացման դեպքում, հանդիպումները կշարունակվեն Վաշինգտոնում՝ սեպտեմբերին:

«Չունան Իլբո»-ն գրում է, որ հունիսի 12-ին Սինգապուրում կայանալիք հանդիպման նախապատրաստական աշխատանքների ժամանակ, հյուսիսկորեական կողմը Վաշինգտոնից պահանջել է դիվանագիտական հարաբերությունների հաստատում ու պատժամիջոցների չեղարկում:

Հիշեցնենք որ Կորեական պատերազմի ժամանակներից ի վեր ԱՄՆ-ի ու Հյուսիսային Կորեայի միջև հարաբերություններ չկան:

Այս թեմայով Պատերազմի հետեւանքով բաժանված ընտանիքների հանդիպում Կորեայի Հանրապետության եւ ԿԺԴՀ-ի գագաթնաժողովը կկայանա սեպտեմբերի 12-ին կամ 13-ին Փհենյանում Սեուլի եւ Փհենյանի առաջնորդների հանդիպումը կարող է կայանալ Հյուսիսային Կորեայի մայրաքաղաքում Չինաստանն ու Ռուսաստանը Կորեային պաշտպանեցին ԱՄՆ-ի հարձակումից Հյուսիսային եւ Հարավային Կորեաներն այլեւս թշնամիներ չեն