Մենք չենք վստահում Թուրքիային. Ավստրիայի վարչապետը կոչ է արել դադարեցնել Թուրքիա-ԵՄ բանակցությունները

Ավստրիայի վարչապետ Սեբաստիան Կուրցը հայտարարել է, որ Եվրամիությունը պետք է լիովին դադարեցնի Թուրքիայի հետ անդամակցության վերաբերյալ բանակցությունները, գրում է aydinlik.com.tr-ը։

Ըստ Կուրցի՝ Թուրքիան իր ժողովրդավարական չափանիշներով չի համապատասխանում իրենց սկզբունքներին և չի կարող ԵՄ անդամ դառնալ։

«Մենք չենք վստահում Թուրքիային և կարծում ենք, որ այդ երկրի հետ բանակցությունները պետք է լիովին դադարեցվեն»,-ասել է Կուրցը։

Թուրքական մամուլը Կուրցի հայտարարությունը անվանել է «նենգ» քայլ ու հիշեցրել, որ Ավստրիայի վարչապետը նախկինում ևս պարբերաբար դեմ է արտահայտվել Թուրքիայի ԵՄ անդամակցությանը։

Ավելի վաղ Կուրցը դատապարտել էր Սիրիայում Թուրքիայի ռազմական գործողությունները և կոչ էր արել Եվրամիությանը դադարեցնել Թուրքիայի հետ անդամակցության շուրջ բանակցությունները։

Միևնույն ժամանակ, նա նշել էր, որ Թուրքիան մնում է «Եվրամիության կարևոր ռազմավարական գործընկերը», որի հետ պետք է համագործակցել։

Այս թեմայով Թուրքիա–Հունաստան սահմանին զինված բախում է տեղի ունեցել Թուրքիայի ընդդիմադիր կուսակցապետի նկատմամբ հետաքննություն է սկսվել Թուրքիայում 5․8 մագնիտուդ ուժգնությամբ երկրաշարժ է տեղի ունեցել․ կա 1 զnh և 69 տուժած Զբոսաշրջիկները չեղարկում են դեպի Թուրքիա տուրերը՝ հնարավոր երկրաշարժերի պատճառով Անկարան ուշադիր հետևում է Ուկրաինայի բանակցություններին