Իրանական միջուկային համաձայնագիրն այլընտրանք չունի. Մոգերինի

Իրանի միջուկային համաձայնագրին այլընտրանք չի եղել: Այս մասին հայտարարել է Եվրամիության արտաքին քաղաքականության ծառայության ղեկավար Ֆեդերիկա Մոգերինին այն բանից հետո, երբ ԱՄՆ պետքարտուղար Մայք Պոմպեոն Թեհրանի դեմ աննախադեպ պատժամիջոցներ է խոստացել:

«Պոմպեոյի ելույթը ցույց չտվեց, թե ինչպես է պայմանագրից դուրս գալը միջուկային զենքի տարածման սպառնալիքից տարածաշրջանը ավելի անվտանգ դարձրել կամ դարձնելու է, նաեւ ինչպես մենք ավելի շահավետ վիճակում կլինենք՝ այն Իրանի պահվածքի վրա ոլորտներում ազդելու համար, որոնք դուրս են եկել համաձայնագրի շրջանակներից», - ասված է հայտարարության մեջ: Հայտարարության մեջ նշվում է, որ իրանական միջուկային համաձայնագիրը այլընտրանք չունի:

Մոգերինին կոչ է արել ԱՄՆ-ին կատարել պայմանագրում նշված իր պարտավորությունները: «Այս գործարքը պատկանում է միջազգային հանրությանը, այն հաստատել է ՄԱԿ-ի Անվտանգության խորհուրդը: Միջազգային հանրությունը ակնկալում է, որ բոլոր կողմերը կկատարեն ավելի քան երկու տարի առաջ ստանձնած պարտավորությունները», - ավելացրել է նա:

Նա հիշեցրել է, որ ԱԷՄԳ-ն արդեն 10 անգամ հաստատել է, որ Իրանը կատարում է գործարքով նախատեսված իր պարտավորությունները:

Այս թեմայով Իրանը խոստացել է դուրս չգալ միջուկային ծրագրից Իրանը Եվրոպային 60 օր է տվել Եվրոպան Իրանին կոչ է անում պահպանել միջուկային համաձայնագիրը «Եվրոպան պետք է համոզի Իրանին մնալ միջուկային գործարքում». Մակրոն Իրանը նամակ է հղել «միջնորդ հնգյակին» և հայտնել իրանական միջուկային գործարքից մասամբ դուրս գալու մասին