Պուտին-Ասադ հանդիպում Սոչիում

Ռուսաստանի և Սիրիայի նախագահներ Վլադիմիր Պուտինն ու Բաշար Ասադը հինգշաբթի օրը բանակցություններ են վարել Սոչիում:

Կրեմլի խոսնակ Դմիտրի Պեսկովի խոսքով՝ նախագահներն ընդգծել են «քաղաքական կարգավորումը վերսկսելու լրացուցիչ պայմանների անհրաժեշտությունը»:

Պեսկովը հայտնել է նաև, որ Պուտինը Ասադին շնորհավորել է ահաբեկչական խմբավորումների դեմ պայքարում Սիրիայի կառավարական բանակի նշանակալի հաջողությունների կապակցությամբ:

Ասադը վերջին անգամ Պուտինի հետ Ռուսաստանում հանդիպել էր 2017 թվականի նոյեմբերին, մինչ այդ էլ՝ 2015-ի հոկտեմբերին:

Մոսկվան, որը Սիրիայում 7 տարի առաջ սկսված պատերազմում Ասադի առանցքային դաշնակիցն է, 2015 թվականից օդային գործողություններ է իրականացնում սիրիական տարածքում՝ կառավարական ուժերին օժանդակելու նպատակով:

Այս թեմայով Հալեպի նահանգային իշխանություններն այցել են ՀՀ գլխավոր հյուպատոսություն ԱՄՆ-ն դատապարտում է Սիրիայում արմատական ​​ահաբեկիչների իրականացրած սպանությունները. Մարկո Ռուբիո Հարյուրավոր սիրիացիներ բռնությունից ապաստան են գտել Լաթաքիայի ռուսական ավիաբազայում. Reuters Պուտինը, Մերկելը, Էրդողանը և Մակրոնը Սիրիայի հարցով քառակողմ հանդիպում կունենան Սիրիական բանակը մասամբ ազատագրել է Իդլիբը