ԱՄՆ-ի և Ուզբեկստանի «համագործակցության նոր դարաշրջան»
Վաշինգտոն այցելած Ուզբեկստանի նախագահ Շավկատ Միրզիոևը Միացյալ Նահանգների նախագահ Դոնալդ Թրամփի հետ երեկ Սպիտակ տանը տեղի ունեցած հանդիպման ընթացքում հավաստիացրել է, որ իր երկիրը «բարելավում է մարդու իրավունքների իրավիճակը, և այդ գործընթացն անշրջելի է»:
Սպիտակ տունը հրապարակել է հայտարարություն, որի համաձայն, ԱՄՆ-ի և Ուզբեկստանի հարաբերություններում մեկնարկում է «ռազմավարական համագործակցության նոր դարաշրջան»:
Ըստ հայտարարության, նախագահ Թրամփը բարձր է գնահատում «քաղաքական, տնտեսական և սոցիալական հսկայական առաջընթացը», որն Ուզբեկստանում արձանագրվել է 2016 թվականին Միրզիոևի կողմից իշխանությունը ստաձնելուց հետո:
Շավկատ Միրզիոևը նախագահ է ընտրվել Ուզբեկստանում տասնամյակներ պաշտոնավարած Իսլամ Կարիմովի մահվանից հետո:
«Նախագահ Թրամփը ողջունում է Ուզբեկստանում մարդու իրավունքների բնագավառում իրավիճակը բարելավելու, խղճի բանտարկյալներին ազատ արձակելու, աշխատատեղերում երեխաների շահագործումը վերացնելու և հարկադիր աշխատանքը սահմանափակելու քաղաքականությունը: Այդ նվաճումներն ընձեռում են Ուզբեկստանի հետ տնտեսության, քաղաքականության և անվտանգության հարցերում համագործակցությունը զարգացնելու հնարավորություն»,- ասվում է Սպիտակ տան հայտարարությունում:
Վաշինգտոնի փոխանցմամբ, նախագահ Միրզիոևը հավաստիացրել է, որ Ուզբեկստանում կբարելավվի վիճակը նաև կրոնի ազատության բնագավառում:
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Մի շարք հասցեներում լույս չի լինի
Ոսկու արժեքը հունվարի 19-ից ի վեր առաջին անգամ իջել է 4․700 դոլարից
Փետրվարի 3-ի գիշերը և առավոտյան սպասվում է մառախուղ
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Երևանի կենտրոնում 81 հա տարածքը գերակա շահ կճանաչվի. Այդ տարածքում բնակվողների տներն ու այգիները կվա...
«Ես ուժեղ եմ քեզնով». Զառա Արամյանի դստեր հուզիչ գրառումը
Հնդկաստանի 1.4 միլիարդ բնակչության անունից խորին երախտագիտություն եմ հայտնում նախագահ Թրամփին. Մոդի