ԵԽ-ն ցանկանում է միջոցներ ձեռնարկել Ադրբեջանից կաշառք ստացած օրենսդիրների նկատմամբ
Եվրախորհուրդը ցանկանում է միջոցներ ձեռնարկել կաշառքի գործերի հետ կապված օրենսդիրների նկատմամբ, գրում է NYT-ը: Հետաքննության մեկնարկից ի վեր համոզիչ ապացույցներ են ստացվել, որ ԵԽ Խորհրդարանական Վեհաժողովի անդամները կաշառք են վերցրել՝ Ադրբեջանում մարդու իրավունքների խախտումների հարցով քննարկումների ժամանակ լռելու համար: Եվրոպական կառավարությունները պահանջում են պատժամիջոցներ սահմանել այդ օրենսդիրների դեմ:
ԵԽԽՎ նախագահ Միքելե Նիկոլետտիին ուղղված նամակում Դանիայի ԱԳ նախարար, Խորհրդի Նախարարական կոմիտեի նախագահ Անդերս Սամուելսենը նշել է, որ կոռուպցիայի հարցով գործը խորը անհանգստություն է առաջացնում, եւ Վեհաժողովին կոչ է արել «օպերատիվ եւ վճռական» գործել:
Օրենսդիրները, այդ թվում՝ ԵԽԽՎ նախկին ղեկավար Պեդրո Ագրամունտը, մեղադրվում են կաշառք, թանկարժեք զարդեր ստանալու, նավթով հարուստ Ադրբեջանում հյուրանոցներից եւ մարմնավաճառների ծառայություններից օգտվելու համար:
Նամակում Սամուելսենը հարցնում է, թե ինչո՞ւ է ԵԽԽՎ-ն ձգձգում պաշտոնյաների պատժի հարցով որոշման կայացումը: «Մտահոգության հիմք կա, որոչ մեծ թվով խորհրդարանականների անունից մշտապես ջանքեր են գործադրվում՝ զեկույցի հետ կապված հետագա գործունեությունից շեղելու ուղղությամբ»,- գրել է նա՝ զգուշացնելով, որ եթե ԵԽԽՎ-ն անհապաղ գործողությունների չդիմի, եվրոպացի նախարարները «համապատասխան քայլերի կդիմեն»:
2012 թվականին Բեռլինում հիմնադրված «Կայունության եվրոպական նախաձեռնություն» անվանումով հետազոտական կենտրոնը պարզել էր, որ Ադրբեջանի կառավարության հետ կապված պաշտոնյաներն ու լոբբիստներն ապօրինաբար ազդել են ԵԽԽՎ քաղաքականության վրա:
Անցյալ տարի բողոքներ ստանալով այն մասին, որ օրենսդիրներն օգնել են լռեցնել երկրում մարդու իրավունքների եւ օրենքի գերակայության ոլորտում տիրող իրավիճակի հարցով քննադատությունը, Վեհաժողովը կարգադրեց հետաքննել Ադրբեջանում իր անդամների գործունեությունը:
ԿԸՀ-ն իր ձեւով քննարկելու է «Մեր ձեւովի» հարցը
ՀՀ նախկին ոստիկանապետ Վլադիմիր Գասպարյանի առանձնատանը կից ապօրինի շինությունները ևս քանդվել են․ դատա...
Կրակոցներ՝ Երևանում․ հրազենային վնասվածքներով ԲԿ է տեղափոխվել 44-ամյա տղամարդ
Մի շարք հասցեներում լույս չի լինի
Փետրվարի 3-ի գիշերը և առավոտյան սպասվում է մառախուղ
Ոսկու արժեքը հունվարի 19-ից ի վեր առաջին անգամ իջել է 4․700 դոլարից
Նախագահը չի կարող բացառել միջnւկային կոճակը սեղմելու հնարավորությունը. Մեդվեդև
Երևանի կենտրոնում 81 հա տարածքը գերակա շահ կճանաչվի. Այդ տարածքում բնակվողների տներն ու այգիները կվա...
«Ես ուժեղ եմ քեզնով». Զառա Արամյանի դստեր հուզիչ գրառումը
Հնդկաստանի 1.4 միլիարդ բնակչության անունից խորին երախտագիտություն եմ հայտնում նախագահ Թրամփին. Մոդի