Ջինա Հասպելի` ԿՀՎ տնօրենի պաշտոնում նշանակման շուրջ անորոշությունը պահպանվում է

Միացյալ Նահանգների նախագահ Դոնալդ Թրամփի կողմից Կենտրոնական Հետախուզական վարչության պետի պաշտոնում առաջադրված Ջինա Հասպելը ցանկություն է հայտնել ինքնաբացարկ հայտարարել: Այդ մասին գրել է The Washington Post պարբերականը` նշելով, որ Միացյալ Նահանգների նախագահի խորհրդականներին անցած շաբաթավերջին մեծ դժվարությամբ հաջողվել է հետ պահել Հասպելին այդ քայլից:

ԿՀՎ տնօրենի պաշտոնում առաջադրված Ջինա Հասպելի նման պահվածքի պատճառը նրա անձի շուրջ ծագած սկանդալն է: Ամերիկացի իրավապաշտպանները պնդում են, որ Հասպելը Կենտրոնական հետախուզական վարչության աշխատակիցների կողմից ահաբեկչության մեջ կասկածվող անձանց հարցաքննությունների ժամանակ թույլատրել է կտտանքներ կիրառել:

Ավելին, ըստ որոշ հաղորդագրությունների Ջինա Հասպելը իր ենթականերին նաև հրահանգել է ոչնչացնել կտտանքների մասին վկայող ապացույցները՝ այդ թվում հարցաքննությունների տեսագրությունները:

The Washington Post-ի տեղեկություններով նախագահ Թրամփի խորհրդականները զգուշացրել են նրան, որ Կոնգրեսի անդամների մեծամասնությունը կարող է ընդդիմանալ Հասպելի նշանակմանը:

azatutyun.am

Այս թեմայով The Wall Street Journal. Պենտագոնը տասնամյակներ շարունակ խրախուսել է ամերիկացիների հավատը ՉԹՕ-ների նկատմամբ Կոբախիձեն տարակուսանք է հայտնել Թրամփին Վրաստանի հետ հարաբերությունները վերականգնելու հարցում ԱՄՆ լռության կապակցությամբ Պետքարտուղարությունը կկրճատի ավելի քան 130 գերատեսչություն և ավելի քան 700 հաստիք Լրատվամիջոցները նշել են Ուկրաինայի նպատակը ԱՄՆ-ի հետ բանակցություններում Թրամփի վարչակազմը ծրագրում է ամեն օր ռազմական օդային ուժերով արտաքսել միգրանտներին. Թոմ Հոման