Ուկրաինան արտաքսել է ադրբեջանցի «օրենքով գողերի»
Ուկրաինայի իշխանությունները մայիսի 5-ին իրականացված հատուկ գործողության շրջանակում Կիևում ձերբակալել ու արտաքսել են ծագումով ադրբեջանցի 2 քրեական հեղինակության՝ 1985թ. ծնված Դաթո Աղջաբեդինսկիին և Իլգար Դմանիսկիին:
Ինչպես նշում է minval.az-ը, նրանցից առաջինը բազմիցս դատված է եղել ծանր և առանձնակի ծանր հանցագործությունների համար: Նա «թագադրվել է» 2012թ. Հունաստանում:
Աղբյուրը մանրամասնում է, որ «օրենքով գողը» արտաքսվել է Ուկրաինայից՝ 3 տարի այդ երկիր մուտք չգործելու արգելքով:
Նույն օրը Կիևում ձերբակալվել է մյուս ադրբեջանցի «օրենքով գողը», որը ժամանել էր Ստամբուլից եկած չվերթով: Ի դեպ, նրան նույն չվերթով էլ հետ են ուղարկել: