Նիգերիայում մզկիթում պայթյունների հետեւանքով 24 մարդ է զոհվել
Նիգերիայի հյուսիսում մզկիթում կրկնակի պայթյունի հետեւանքով 24 մարդ է զոհվել: AP-ի փոխանցմամբ՝ դեպքը տեղի է ունեցել Ադամավա նահանգում, աղոթքի ժամին: Երբ մարդիկ սկսել են դուրս վազել մզկիթից, որոտացել է երկրորդ պայթյունը:
Տեղի բնակիչների խոսքով՝ պայթյունը կազմակերպել է մահապարտ ահաբեկիչը: Կատարվածի համար դեռեւս ոչ ոք պատասխանատվություն չի ստանձնել, սակայն շատերը հակված են կարծել, որ պայթյունների հետեւում կանգնած է «Բոկո Հարամ» ահաբեկչական խմբավորումը: